قصيدة ”دابا عاد حلى الكلام“ - عمر الكرمي

بني يازغة الأربعاء, ديسمبر 28, 2016
قصيدة ”دابا عاد حلى الكلام“ - عمر الكرمي
قصيدة ستقلب موازين الزجل اليازغي الشبابي بموضوع جديد بعيد كل البعد عن رتابة الصدام بين العروبية و المدينية، عمر الكرمي يبدع بقصيدة "دابا عاد حلى الكلام".

ايوااا يايلي، ايوااا يا يلي
ايوا دبا عاد حلا الكلام
وانتم يا سيادي حكام
راني جبرت صحابي فههام
دي كاينظمو الهضور، ااايا يلي
***
ايوااا يا يلي
ايوا ايلا اهضرت انا عل المرا
راني ماوصلتاش بشي نعرة
راني اقصدت ديك القهرة
ومما هي فبلادا حرة
عايشة فالظلمة والنور، ااا يايلي
***
ايوااا يا يلي
ايوا اسمعو يا هلي واقراني
وحتى نتين دي برراني
هاد الكلام غير معاني
الكبير والصغير يعاني
فأرضو عايش مستور، ااايا يلي
***
ايوااا يا يلي
ايوا كانقولو كانو الجدود
كايهضرو وينظمو الانشود
وحنايا كلامنا محدود
حايرين فتعصار الفيتور، ااا يا يلي
***
ايوااا يا يلي
ايوا كانقولو كان جدي
صاوب المحرات بامگدي
وانا شمن صنعة عندي
دي قابط النوبة علا طرطور، ااا يا يلي
***
ايوااا يا يلي
ايوا كانقولو قال الشيخ فلان
هو كان شاعر وفنان
وحنا قابطين الاركان
مگابلين كلام المعيور، ااا يا يلي
***
ايوااا يا يلي
ايوا اسمعو يا هلي وسيادي
ودي فشي منصب فررادي
ماشي نقضي غير غراضي؟
راني بغيت تكون بلادي
جنة بين البحور، ااا يايلي
***
ايوااا يا يلي
ايوا البلاد مفتخرة برجالا
دي كايشرفو من حالا
فالشرق نايضة قربالة
ماعرفنا علاش عوالة
والدرويش هو دي مضرور، ااايايلي
***
ايوااا يا يلي
ايوا اسمعو يا هلي وصحابي
وانتم يا خوتي واحبابي
راكوم حاسين بعذابي
وانا بوحدي غررابي
بين السلوكا مجرور، ااا يا يلي
***
ايوااا يا يلي
ايوا هادي لعند بلادي
الكبير والصغير ينادي
ارض بويا واجدادي
وتكون كلك جرادي
مافيك شوك ولا كركور،، ااااا يا يلي

commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »