قصيدة ”ايوا ياخيي ايوا ياخيي“ - عادل اليازغي

بني يازغة الخميس, ديسمبر 29, 2016
قصيدة ”ايوا ياخيي ايوا ياخيي“ - عادل اليازغي
في إطار السياق الجديد لقصائد الزجل اليازغي، مشاركة عادل اليازغي بقصيدة ”ايوا ياخيي ايوا ياخيي“ التي تحمل في طياتها رسالة لمن يهمهم الأمر:

ايوا ياخيي ايوا ياخيي
وأخر الحلاوة زبيبة
عايشين عيشت الزريبة
فهاد الدنيا لعجيبة
عيينا من هاد السيبا
مابقا حال كايعجب والعقل راه مسلوب
***
ايوا ياخيي ايوا ياخيي
مشاو الناس باش يقراو
وبالكتوبة راهم هراو
وفالجامعات بقاو
مول الديبلوم راه مغلوب
***
ايوا ياخيي وايوا ياخيي
وابنادم راه عيا
من هموم هاد الدنيا
مابقى لا هو لا هي
واراها غلات الشرية
الحلال تنسى والحرام ولا مرغوب
***
وايوا ياخيي وايوا ياخيي
آشنهاد المناكير
هذا جابد المناشير
ولاخر غارق فالحرير
نشفت الزيت من النقير
كاتجي غير فالفقير
ديما واكل بعود الخرّوب
***
وايوا ياخيي ايوا ياخيي
دوق من الكلام معاني
ودير الخير تفالبراني
الزمان مصيرو فاني
ماتكونش ديما وحداني
واش فهمتني يا ولد الحرّوف هه
***
وايوا يا خيي وايوا ياخيي
واهيا داك ولد الرطيلي
ونتا وخاتكون مغيلي
راك ديما عزيز وغالي
والقصوابي قاصح لعرقوب
***
وايوا ياخيي وايوا ياخيي
فامطرناغة كاين عُمَر
من سميتو راه مخيّار
الله يطولو فالعُمُر
نقابلو بالحليب والثمر
فالدار دلحسن لهبوب

commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »