القائمة الرئيسية

الصفحات

يازغيات - جمال أبو ريان

يازغيات - جمال أبو ريان

يازغيييييييييييات

  واش انا دي بغيت ؟
مشيت سايح فزماني
ومن راسي بديت.
درت دورة على جلالي
وتما انا بكيت.
فاللوطا ولشعاب والركاني فافيت انا حتى عييت .
ما وقفت ولا ريح عباني .
حتى لقيت راسي قريب وبراني.
واش انا دي بغيت اراسي... وانا دي بغيت...؟!



من صغرك شحال اراسي من طراشي كليت.
وشحال اراسي عذبوك حتى قلت خزيت.
شحال اراسي من صمايم صمت،
او شحال من هموم دي انت قاسيت.
رآه اراسي مشاوا علي ناسي وانا هنا بقيت.
اودي وما لوم حد.
ياك انا دي بغيت اراسي ...وانا دي بغيت...!


شحال من حجرة يابناني هرستوا والناس شاهدة.
وشحال من شجرة قطعوها يداي والروح شاردة.
انا دي سعسعت فالدروبا حتى قدامي حفاوا.!
وأنا دي هزيت من شباكي حتى كتافي عياوا.!
وشحال اراسي بت عريان لا راحة لا نعاس!
وشحال اراسي صبرت انا لكلامات الناس.!
واش انا دي بغيت اراسي...وأنا دي بغيت.؟!

  * جمال أبو ريان

تعليقات

تعليق واحد
إرسال تعليق

إرسال تعليق