خالد اسحيمي يرد على قصيدة انا راني بنت المدون

بني يازغة السبت, يناير 02, 2016
خالد اسحيمي يرد على قصيدة انا راني بنت المدون

خالد اسحيمي يرد على قصيدة انا راني بنت المدون


أنا باقي عزري صغير مشي شارف مشي كبير
 بنت بلادي فيها الخير
نديها او حسن من ل غير
لاش نحوف للمدينة

انا باقي عزري صغير ما نديشي بنت لمدون
 من بعد متهديلي الدار
 راها ما ترفدشي لعار
الشروط ديالها كبار
 تقيل تصبغ ف دفار ماتجمعليك روينة

انا باقي عزري صغير، ما نديشي بنت لمدون
بعد ما تهديلي لمال
 راها ما تخدملي شغال
وانا ما نرفدلها هبال
 ونجيبها من راس لجبال
 ونصيدها كيف لغزال بعدا و تكون زوينة

انا باقي عزري صغير ما نديشي بنت لمدون
راها ماتقرالي حساب
ماتبغيلي غير لعداب
او الشروط ديالها صعاب
او تقييل تعمل فالسباب او تجمع ناس علينا

انا باقي عزري صغير ما نديشي بنت لمدون
كاتنعس حتى لتناش
او تنوض او تسمح فلفراش
 راك إلى قلتلها علاش
تم تقلب عليك لقشاش او تدير عليك بيينة

انا باقي عزري صغير ما نديشي بنت لمدون
او لبادية فيها الزين
 فيها لبنات مدربين
حتى بشغالم قادين
ما ينضاموشي كاينجمو برا و لكوزينا

انا باقي عزري صغير ما نديشي بنت لمدون
 او عمومي كامل بلبنات
 زين او لعقل او تبات
او نجيبها مافيها غوات ماتهدرشي مسكينة

commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »