قصيدة بعنوان " خريطة قبيلتي " من نظم محمد اسحيمي التاغروتي

بني يازغة الأحد, ديسمبر 13, 2015
اجي نساريك بلادي راها جميلة
من واد سبو حتي لواد دمغيلة
رها الخريطة دجمعت لقبيلاة
نفليها نسارا بغي نعرف لمكان
هذا هو الجر 
Maps of ben yazgha


اتاغروت بلادي كلا كتعرفا......... فيها السدات كتار افيها الشرفا
سgدو قفة والزنبيل ملحلفة....... ولا بغيت نوصفا ما يكفيش ديوان

قنينة و ولاد الخطخاط فاين كبرت ........زريعتم غلالة فين مشات تنبت
اولاد علي شرفا دبا سمع وسكت. ........اولاد بني دير ادوك النس شجعان

خراجت من دواري مجاني الحال بعيد ....... وصالت لملاحة تما قلعة سعيد
فيها الواد من عين سبو جاي من بعيد ........ فواكه كتيرة مداقها شحال لديد
فيها الزيتون افيها حتي الرمان

سعيد احدو دوز اوقات سعيدة ........لخماسي والنيرة والغيطة جديدة
وشحال غني علي حميد ولد ميلودة....... فنان مشهور امطالوشي النسيان

طلاعت مع الواد ايانا غير داير .......وبقيت مبهوط منين وصلت لكساير
مشافت تما لا طير الي وحش ساير .......اكيف تلقي توصل الي كنت تعبان

وبقيت طالع دابا راني وصلت لتشر .......اهزين الفيسان الناس غير كتحفر

ودوخلو في غار الملحة يخرجو لحجر .......اخود بالطاس امتحتاجشي الميزان

لسيدي يوسف انا جيت طالب التسليم ......افيه موسم دالحضرة عارفو من قديم
الناس تما مقهورة كتعيش فالضيم...... لبلاد مجهولا ما عنداشي العنوان

شديت العقبة الطويلة وصلت تاغيت ..... لشياخ دحكمونا تما ساكنين النيت
اطورهوم كتيرة وعلي يدهوم قريت .......بغيت نرتاح سخفت انا اترخيت
فسيدي بوجيدة تكيت فوسط جنان

كمالت طريقي هاينا وصلت لمغيلة..... مدكورة فالتريخ اناسها تاصيلا
معروفة بالغيوان امازال واقيلا......... ومعا المخزن منبكري يدهوم طويلة
اماتلو لقبيلة وربحوا الرهان

رجاعت من تما هانا فولاد مكودو...... تاريخهوم طويل انا منعرفش حدودو
شرابت ماهوم شحال ديتلم من بيدو ........زعامة منبكري وحافضو علي الغيوان

بغيت نرجاع لداري شفت دارحقون ......عندهم المطور افيه الدقيق مطحون
اجي لتما تشبع الي كنت مغبون .......نمشي لداري نسهط اوليت تعبان

دبا صباح الحال اباغي ندير دورا ......لعين بيطا شديت طريق لحدورا
صناعتم تقليدية اشحال مشهورة .......لمجامر لفرارح ازيد لغطورا
لحصير دالحلفا صافي ما فيه الوان

اشي دواوار صغار انا موصفتم...... اياغرم واش تعرفو غير زيد خمم
اعين ميزاب بغيت عليها نسلم ......شلا دالامورات اللي كتخصم
ونزيد خلفا ما ننساشي ولاد مقران

اولاد مبارك ناسا نازلة فلعلو ......لحيا والحشما زيد حتي لكلام لحلو
علشيخ زروق حنا مزال كنعقلو...... والي معرفوشي يمشي يسول السكان

بقالي دوار انصل للعاصمة .....لبني ديالم مصوب بالحديد والسيما
الشيخ لحمر هو دعلمم لخديما ......اواش عرفتوه اهو ولاد مريان

جني الحال قريب اهودت لمنزل .......واللي سكن تما ما عندو فاش يوحل
تما الادارا لكبيرة سير وادخل .....شكي عليهوم فساعة ها المشكل تحل
.تما تصيب الراحة تما تصيب لمان

تدخل السي السليلة:

انا كنعينك تسول فيا...... سعى نتا لتاغيت ديت اهديا
خليت ف قلبي كدا من كيا .......وف جبل مالو عليت عليا
كيف ندير نوصل لداك لمكان

السحيمي يتابع :

رها القلعة محطوطة غير فوق راسي ......اخيزو واللفت الفجل فلعراصي
اراه وحش خوالي منو كنقاسي....... رباتني بنتام علالاخلاق لحسان

شرابت قهوا تما وهبطت لقراطش..... الباب دمطرناغة دالناس الدراوش
محلولة باب الشرفا ما تصيب شاوش...... لحكام والرياسة عندم كانت زمان

السراغنة والقصبة يما نقول فيهم عيب .......اغير سير لعندم وشحال من خير تصيب
اراحبو بالبراني واعتابروه قريب ........اواش فهمتوني واللا نقاد النيشان.

السراغنة مشهورة فيها كنوز نفيسا ......فيها العواد افيها مولاي بنعيسي
قريت فالتريخ الاصل ادارسة ......عائيلتو عائلة متعلمة وفارسة
اسييرو سربا وسبقوها فالميدان

اما القصبة فيها لحمايدة ومجنان ......ترويها عين كبير سقات كل بستان
اصاوبو بدارة دالدوم والطبق مزيان..... لطيفة متقونة وتقول صاوبا فنان
اناسها مبشورين ايا ماحلاه لسان

بغيت لمطرناغة نمشي داير النية .....فيها السفليا افيها حتي الفوقية
تاريخها معروف امشيشاي منسيا
تما المناضيل الكشيد دار لحميا .....ادافعو عالقبيلا صدو العدوان

لقراوشة و ولاد عمير من خيار الناس..... اعايشين فامان اما بغاو عساس
عييت بالطرقان وصلتم درت لاباس .........اراحبو بيا كرموني وما بغاو خلاص
حبيتم بالنية هادوك ناس دالشان

اولاد سحنون والكعدة دوك الرجال ملاح........ مرابين وليداتم عالحب والصلاح
اساهمو بقلوبم فالنضال والكفاح .........اغير كون مهني هيا البال ورتاح
اراك عند حبابك مشي فوسط العديان

النوالات معا غمرة لازم نوصلم .........جميع طرقان بلادي ياك كزت منم
فطريقم غادي ونا غير كنسلم .........اجوه الخير وصلتم مبقيتش نخمم
تسارا و ادور بلادك زثراك تندم...... اراه عندا تاريخ طويل مند زمان

الزاوية حتي هي راها فبالي.... بغيت نسكن فيها سعاك ممسالي
نتماتع بالطابيعة ورتاح بالي....... نتبارك بالشرفا وداويو حالي
بلاد الخيرات افيها الف جنان

ولا نسيت انا شي دوار من الدواور .......سمحولي يانا راني كنت غير داير
اصيفطو النعوت معاها حتي التصاور....... اما تبخلوشاي ازيدوني لوماير
نمشي لعندم بالزربة كاع منشاور .......هدي بلادي لعزيزة بان يا الحق اباااان


commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »