أغيتني يا يما راني حتاجت رضاك
بدا ترغب معنا لله هزي يداك
نحاربوا العدو ما يديشي الصحراء
اغيتني يا يما راني ف الجبيلية
مكنشوف سوى الجبال اللي دايرة بيا
و عياطيلالضمان بلادي ما يفرطوا فيا
لا تفوتناشي يا مول القبة الخضراء
اغيتني يا يما راني ف امكالا
نأدي الواجب بحال النس اللوالا
الى خرجت الروح على وطني هدالا
دفنوني مع الشهداء دي بيرانزران
اغيتني يا يما رني ف الحمادا
راها المشية دي ثلاث ايام و الزيادة
و الى غسلت وجهي بالماء خيفان يتقاضى
و أنا ما يقدونيشي أربع د البوادا
و كبرنا حد العين و كنعطش فكل مرة
اغيتني يا يما راني ف الخنيفيس
الجبال د الرمل قدامي دي ما عندها قيس
الشتاء كتطيح و ما كاين لا ربيع لا غيس
ما كاتعيش هنا لا قوبع لا الطريس
ما كاتبان سوى السماء زرقا و الارض حمرا
اغيتني يا يما راني فواد درعا
بزاف د الشعابي ما ريت طريق دي نتبعا
و الى جات شي حملة فاين ماشي نسمعا
والواد الى حمل كاينده الحديد و الحجرا
اغيتني يا يما ها يانا ف طاطا
مكانقابل تما صنعة و لا خياطة
مكانقابل تما لا زرع لا بطاطا
شنهي خدمتي غير القرطاس و الكلاطة
وندافع على ارضي حتى تكون حرة
اغيتني يايما حضري و لا تغيبي
ها يانا وصلت حدا سيدي احمد الركيبي
و الجييب د العدو معروفة عندا اللون شيبي
والمرتزقة سخط عليهم ربي
المخير فباباهم ماشي بالحفا و العراء
اغيتني يايما راني فعين سركوت
الى شي ديار عليهم الحالات د الموت
الباب مسدودة بالدعام و الساروت
وشكون يقبل ضيف الله الي راه برا
اغيتني يايما راني فعين بنتيلي
و الموسخين د الموريطان بداو كيظهرولي
بنينالم الجامع عاد بدا الاول يصلي
تحسابهم غير يغدروا يبقا رينا مجلي
و اتفقوا مع القدافي يتبادلو الاسرا
اغيتني يا يما راني حدا المحبس
ما كايليق نبقى واقف ما كايليق ننعس
واللي تزوج اليوم الري ديالو مفلس
هو ف العداب و مادام بغات تتخلص
اكتقولم ما عندي لا دهب لا النقرا
اغيتني يا يما راني حدا الكلتا
بلاد الفلاحة لوكان جبر دي يحرتا
أ كاتدير الغلة تما بغير وقتا
حبة د الدرة كاتعمل الكبالة د ستا
و الماء كايداوي المريض حسن من اليبرا
اغيتني يا يما راني ف المسيد
مكانخمم لا فبنيتة و لا وليد
العين دي متبوعة بالموت واش تركد
تخطاك دي غفل كايعمل لصحابو الغرا
اغيتني يا يما هايانا ف بوكرع
وهاد التراب ديالو كللو فلوس وزرع
و الى ربحناه بقى مغربنا مبرع
و الى مات مغربي كايفديوا فيه عشرا
اغيتني يا يما راني ف المسايل
دي فاين تعارفنا بولاد القبايل
و ندهت القصارة و حضر الجديد و الحايل
و أنا بعيناي و تم بقيت كنخايل
اكنشوف بابا و حنيني وجدوا الحفرا