هاك القصيدة يا جاري - قصيدة للشيخ محمد لعوين البكاري تتناول موضوع الخطبة و الزواج

بني يازغة السبت, مايو 23, 2015
هذه القصيدة تتناول موضوع الخطبة و الزواج فشاعرنا السي محمد العوين رحمه الله يقترح مجازا على امه مجموعة من المناطق التي يحب الزواج من بناتها كما يقترح معاير المخطوبة في قالب شعري زجلي رائع جدا في تصوير دقيق لميزات بنات كل منطقة من مناطق المغرب على حدة.



هاك القصيدة يا جاري
هاك القصيدة يا جاري
ديال العوين البكاري
فكامل المغرب مساري
و دايمن كايبني الجرور
++++++++++
يا مي فهميني دغيا
زوجي لي مغربية
لا نجيبا نصرانية
اللي تكون قدك ف العمر
++++++++++
يا مي فهميني دغيا
وياك خالي عندو البنات
ياك كلهم مسلمات
ياك كلهم زوينات
عاونيني لا نتشمات
ونبقى ليهن من البحور
+++++++++++
يامي فهميني دغيا
جبلي وحدا من العموم
كتصلي بعدا و تصوم
و الكلام ديالا مفهوم
لا تخلينيشي للروم
وننسى ديني على الغرور
++++++++++++++
يامي فهميني دغيا
وجبلي وحدا من الحباب
واخا البعاد او قراب
تلبس الدرا و الجلاب
ما تعلم ليشي الشراب
وننسى المغرب و السحور
++++++++
يامي فهميني دغيا
وزوجني من الكويرة
اختر لي شي بنت صغيرة
دي زوينة ف التصويرو
وكتصلي باين خيرا
و اللباس ديالا مستور
+++++++++++
يا مي فهميني دغيا
الداخلة فيها شي طفلات
شفنا شي صحراويات
خير من الف هنديات
دم عربي مغربيات
جدهم عروسي مشكور
++++++++++
يامي فهميني دغيا
ف العيون تخطبي ليا
بغيت من كطالونيا
شي غزالة صحراوية
بنت عمي مغربية
زينها ما يحتاج عرور
+++++++++++
يامي فهميني دغيا
زوجني من السمارة
بيدي نمشي نختارا
شي ركيبية مسرارا
وفاتحة كيف النوارا
وطالقة موراها الشعور
+++++++++++
يا امي فهميني دغيا
وفوتلي كلميم و طنطان
سرلي لايت بوعمران
وشلوح الجنوب حنان
ما يطلبو لنا ثمن
ما نوحلوشي ف المخسور
+++++++++
يامي فهميني دغيا
وسر خطبيلي ف اكادير
فاين الزين حلو وقصير
ما موالفشاي التبدير
غير الحروز و التباخير
ف الصغر كايقرا السحور
++++++++++++
يامي فهميني دغيا
وجبلي شي مراكشية
اللي تتلف الضيق عليا
معسلة سمرا ونقية
تدير لي ديك الطنجية
غير مرة ف الثلث شهور
++++++++++++
يامي فهميني دغيا
وشوف ليا ف بني ملال
شوفلي وحدا من الجبال
دي شبع قلبا من الهبال
باغية باش بتعيش حلال
ما تفرج فينا جمهور
++++++++++++
يامي فهميني دغيا
وسر خطبيلي من زكاط
موطع الوترا و النشاط
ياك تما الهوا محواط
كلوا دي قلبو سقاط
راه تم يفقد الشعور
++++++++++
يا مي فهميني دغيا
واسفي تما راه الزين
عايش فتمارا مسكين
كلشي خدام ف الوزين
كيبات يحسب السردين
آ ما يتزوج ما يطيب عشا ولا الفططور
+++++++++++++++
امي فهميني دغيا
وجبلي شي بنت بلادي
غير خليني من هادي
ديال حي المحمدي
حافظة كامل الجرادي
و حافظة الزراب و الشجور
++++++++++++
يامي فهميني دغيا
وفوت ليا الرباطية
وفوت ليا السلاوية
راه عندا غير الكنية
ف الاصل تصيبا زعرية
وكاتقلك هادي هي ارض جدنا يعقوب المنصور
++++++++++++++++
يامي فهميني دغيا
الى خطبتي القنيطرية
تقول لا منين نتيا
تقلك انا مدينيا
ارضنا هدي اصلية
الى بغات تصوب لوراق خصها لاربعا د صخور
+++++++++++++++
يا امي فهميني دغيا
وشوفلي ف ازيلا ياو العرايش
و تما عقلي راه طايش
وراني ف الزيار عايش
عييت اخوتي ما نفايش
و ديك الزين ديالهم
دي ما عباشي منهم كلو باقي مضرور
++++++++++++
امي فهميني دغيا
وسر خطبي لي شي وحدة
ف طنجة ف بني مكادا
ياو شي فنة من وجدة
عين ف الشارع تقدا
ما يشوفا لا دي ماشي على الرجل و لا دي شفور
++++++++++++++++
يامي فهميني دغيا
وفوتلي من تازة بالدات
واخا تما العيالات
فيهم بنات العائلات
نص المدينة شوافات
كيباتو ف الليل يشوطو الزريعة د القصبور
++++++++++++
يامي فهميني دغيا
راحنا غير عروبيا
لا تخطبيش الفاسية
لاولى برلمانية
الثانية طبيبة درية
الصغيرة محامية
وفيدي الابتدائية
وكانعرف ف اللاتينية
غير مرسي و لا دكور
+++++++++
يامي فهميني دغيا
غير فوت الراشيدية
عيونهم صغار شويا
خصني شي مديونية
او بعدا غزرانية
او بعدا بكارية
ولدها دي باني الهدور
+++++++++++

* منقول عن صفحة احيدوس

commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »