واهيا لبنات فرحتو بالمدونة - أحيدوس مع الشيخ البكاري

بني يازغة الاثنين, سبتمبر 01, 2014


واهيا لبنات فرحتو بالمدونة و قلتو راها مزيانة باش تقضيو على الرجال

اهيا لبنات و فرحتو و الوقت زيان و هانتوم تكونو طغيان
 و حنا راضيين بدي كان راه لابد يتقلب الزمان
و نطلبو مولانا نعاينو منو لكمال

واهيا لبنات فرحتو بالمدونة و قلتو راها مزيانة باش تقضيو على الرجال

اهيا لبنات لا تجهلو خدمو بالقيس
 عاونونا بالقلب المخلص مايحضرشي إبليس 
و الله ينصر السادس دي حكم المدون و الجبال

واهيا لبنات فرحتو بالمدونة و قلتو راها مزيانة باش تقضيو على الرجال

اهيا لبنات طوق عليكوم الجفاف و العزري بالسيف يخاف
و بقا هارب على الاطراف مارشقلو ماعجبو حال

واهيا لبنات فرحتو بالمدونة و قلتو راها مزيانة باش تقضيو على الرجال

اهيا لبنات شانكم بدا كايعلا كاتجبدو غير للخلا
عايش الراجل ف الذلة دي نواها باش يوصلا
نتلفلو تيجاه القبلة حتى بقا ماشي غير شمال

واهيا لبنات فرحتو بالمدونة و قلتو راها مزيانة باش تقضيو على الرجال

اهيا لبنات حاولو خدمو بالنية مع الرجال و شبابية
بعدو على نص شخصية تكون شي حياة نقية
و لمرا دي ماتحترمش راجلا راها مسخوطة و سمع لكتاب الله شقال

واهيا لبنات فرحتو بالمدونة و قلتو راها مزيانة باش تقضيو على الرجال

اهيا لبنات جاتكوم الدنيا خضرا و ما قبيح الغلب دلمرا
متغلباشي بالهضرة عايش الراجل ف الحقرة
واخا كايصبر هو بغات ترفد فوقو لجبال

واهيا لبنات فرحتو بالمدونة و قلتو راها مزيانة باش تقضيو على الرجال

اهيا لبنات غلب المرا هو هذا
للخلا ديما كَوادا سمحت فالراجل وولادا
مخلطا لحرام و لحلال

واهيا لبنات فرحتو بالمدونة و قلتو راها مزيانة باش تقضيو على الرجال

واهيا لبنات حاولو خدمو بالطاعة لا تسمعو ف الاذاعة
راه دي هرب و خلاها دايتا و هداك دواها 
ايش و حاط على الكمال


شاهد المزيد من الفيديوهات على قناتنا
 ▼▼▼
هنا

commentaires
يمكنك التعليق هنا دون الرجوع إلى فيسبوك.

يوتيوب قام بحذف قناة بني يازغة المرجو الإشتراك بالقناة البديلة على الرابط التالي

موقع بني يازغة يهتم بالتعريف بقبيلة بني يازغة و كل ما يتعلق بها من اخبار و صور و فيديوهات. قبيلة بني يازغة تتكون الآن من : بلدية المنزل، جماعة امطرناغة، جماعة أولاد امكودو و جماعة عين تمـﯖناي

التالي
« السابق
السابق
التالي »